கற்பூரவள்ளியில் இவ்வளவு மருத்துவ குணங்களா?

கற்பூரவள்ளியில் இவ்வளவு மருத்துவ குணங்களா?

கற்பூரவள்ளி இலை குழந்தைகள் முதல் பெரியவர்கள் வரை அனைவருக்கும் மிகுந்த பலனளிக்கக் கூடியது.

கற்பூரவள்ளி இலையின் சாறை எடுத்துத் தேன் கலந்து அருந்தி வந்தால் சளி மற்றும் இருமல் தொல்லையிலிருந்து விடுபடலாம்.

குழந்தைகளுக்கு ஏற்படும் மார்புச்சளி நீங்கவும், அடிக்கடி மூச்சு விட முடியாமல் சிரமப்படுபவர்களுக்கும் சில சமயங்களில் இது ஆஸ்துமா காசநோயாக கூட மாற நேரிடும்.

இவர்கள் கற்பூரவள்ளி இலையையும்,துளசி இலையையும் சமவளவு எடுத்து சுத்தம் செய்து லேசாக வதக்கி சாறெடுத்து ஐந்து மில்லி கிராம் அளவு தினமும் காலை வேளையில் கொடுத்து வந்தால் மார்புச் சளி குணமடையும்.

கற்பூரவள்ளி இலையை சாறெடுத்து அதனுடன் தேன் கலந்து காலை வேளையில் அருந்தி வந்தால் மூக்கில் நீர் வடிதல், சளி, இருமல், தொண்டைக் கட்டு, தொண்டைக் கம்மல் குணமடையும்.

சைனஸ் தலைபாரம் நீங்க கற்பூரவள்ளிச் சாற்றுடன் 200 மில்லி கிராம் சமவளவு நம்மெண்ணெய் கலந்து காய்ச்சி இறக்கித் தலையில் தேய்த்து வந்தால் சைனஸ், தலைபாரம், மூக்கில் நீர் கொட்டுதல் போன்றவை குணமாகும்.

சிறு குழந்தைகளுக்கு அடிக்கடி சளி பிடித்துக்கொண்டு இருமல் உண்டாகும். இது அவர்கள் உடல் நிலையை பல்வேறு வகைகளில் பாதித்து பல்வேறு நோய்களை உண்டாக்கிவிடும்.

கற்பூர வள்ளியின் இலையைச் சாறெடுத்து அதனுடன் பனங்கற்கண்டு கலந்து குழந்தைகளுக்கு கொடுத்து வந்தால் இருமல் நீங்கும். மேலும் குழந்தைகளுக்கு உண்டாகும் மாந்தமும் விலகும்.

கற்பூரவள்ளி இலை, தூதுவளை, வல்லாரை இவற்றை சமவளவு எடுத்து பொடியாக்கி ஒரு தேக்கரண்டி அளவு எடுத்து 100 மி.லி தண்ணீர் விட்டு கொதிக்க வைத்து 50 மி.லியாக சுண்டக் காய்ச்சி அதனுடன் சிறிது பனங்கற்கண்டு கலந்து அருந்தி வந்தால் நுரையீரல் பாதிப்பு நீங்கும். மூச்சுக்குழல் அடைப்புச் சீராகும்.

குழந்தைகளின் மாந்தம் நீங்க கற்பூரவள்ளி இலைச் சாறு (5 மில்லி) அளவுக்கு எடுத்து குழந்தைகளுக்கு அடிக்கடி கொடுத்து வந்தால் குழந்தைகளுக்கு உண்டாகும் மாந்தம் விலகும்.

வாரத்தில் எத்தனை நாள்கள் அசைவ உணவுகள் சாப்பிடலாம்?

“வாரத்தில் மூன்று நாள்கள் மீன் சாப்பிடலாம். பொரித்துச் சாப்பிடக் கூடாது. மீனைக் குழம்பாக வைத்துதான் சாப்பிடவேண்டும். கடல் மீன்களைவிட, ஏரி குளங்களில் கிடைக்கிற மீன் இதயத்துக்கும் மூளைக்கும் நல்லது.

பிராய்லர் சிக்கனை முற்றிலும் தவிர்க்க வேண்டும். நாட்டுக்கோழி என்றால் வாரத்தில் ஒருநாள் சாப்பிடலாம். நாட்டுக்கோழியையும் தோலை உரித்துவிட்டுத்தான் பயன்படுத்த வேண்டும்.

முட்டையைப் பொறுத்தவரை ‘வெள்ளைக்கரு மட்டும்’ என்றால் தினமும் ஒன்று சாப்பிடலாம். முழு முட்டை என்றால் வாரத்துக்கு இரண்டு முட்டை என்ற கணக்கில் சாப்பிடலாம்.

குழந்தைகளுக்கு வாரத்தில் ஐந்து நாள்கள் முழு முட்டை கொடுக்கலாம். அசைவ உணவுகள் சாப்பிடும் நாள்களில் பால், பருப்பு போன்றவற்றைத் தவிர்த்துவிடுவது நல்லது.”